Эрон ахборот вазирлиги форс тилида Буюк Британиядан туриб эфирга узатилувчи Iran International каналини мамлакат ҳудудида террорчилик ҳаракатларига алоқадорликда айблади. Вазирликнинг бу ҳақидаги баёноти 30 ноябрь, шанба куни тарқатилган, деб ёзмоқда «ТАСС».
«Ахборот вазирлиги ушбу канал ва унинг ходимларининг Эрон душманлари билан ҳамкорлик қилганлиги, террорчилик ҳаракатларини амалга оширишга алоқадорлигини маълум қилади», — дея вазирлик хабарномасини эълон қилган Fars агентлиги. Шунингдек, вазирлик мамлакат ҳудудида ташкилот ходимларининг ҳисоб рақамларига чекловлар қўйишни таклиф қилган.
Вазирлик маълумотига кўра, сунъий йўлдош орқали трансляция қилинувчи Iran International канали Саудия Арабистонининг пуллари эвазига ташкил қилинган ва Буюк Британияда лицензия олган. Вазирлик матбуот хизматига кўра, ОАВнинг мақсади Эронда тартибсизликларни юзага келтириш, мамлакатнинг турли бурчакларида жамоат ва шахсий мулкларга зарар келтиришдан иборат.Мавзуга доир: Теҳронда норозилик намойишларидан кейин ҳукуматни қўллаб-қувватлашга қаратилган митинг ўтказилди
Мавзуга доир: Эрон Саудия Арабистони, Исроил, Англия ва АҚШ «қизил чизиқ»дан ўтса, уларни йўқ қилиб юбормоқчи
Эрондаги норозилик намойишлари вақтида полиция қўлга туширган безорилар ўт қўйилган ҳар бир бино учун 60 АҚШ доллари миқдорида мукофотга эга бўлганини тан олган. АҚШ намойишлар вақтида интернет ўчирилгани учун Эрон алоқа вазирига нисбатан санкция қўллаган. Эрон вице-президенти Исхоқ Жаҳонгирий Яқин Шарқ минтақасидаги мамлакатларнинг мамлакатдаги норозилик намойишларида иштирок этгани аниқланса, уларга «қақшатқич зарба» берилишини ваъда қилган. АҚШ давлат департаменти эса Facebook ва Twitter’ни Эрон ҳукумати вакилларининг аккаунтларини блоклашга чақирган.
Изоҳ (0)