Yekaterinburgdagi Lenin tumani sudi pora bilan qo‘lga tushgan Sverdlovsk viloyati Tergov boshqarmasi rahbarining o‘rinbosari Mixail Busilkoni 2 oy muddat uy-qamog‘ida saqlashga hukm chiqardi. Bu haqda “TASS” xabar berdi.
Uy-qamog‘i ehtiyot chorasi 2020-yil 28-yanvargacha qo‘llaniladi. Ushbu ehtiyot chorasi himoyachi tomonidan taklif qilingan.
Busilko 30-noyabr, shanba kuni ashyoviy dalillar bilan qo‘lga olingan. Tergov ma’lumotlariga ko‘ra, pora jinoiy ishni to‘xtatish haqidagi qarorni bekor qilish maqsadida taklif etilgan.
Busilko bilan birga pora berishda vositachilik qilgan advokat ham hibsga olingan. U ham aybini tan olgan. Sud ishida ishtirok etayotgan advokat pora miqdorining ikki million rubl bo‘lganligini bildirgan. 43 yoshli adliya polkovnigi Mixail Busilko Yekaterenburgda 18 million rubl (qariyb 280 ming AQSh dollari) miqdorida pora olayotgan vaqtida qo‘lga olingan.
Mavzuga doir:
Izoh (0)