Канаданинг Онтарио провинциясида енгил самолётнинг ҳалокатга учраши оқибатида етти киши қурбон бўлди.
Асли ўзбекистонлик, АҚШнинг Техас штатида истиқомат қилувчи Отабек Облоқулов Онтарионинг Кингстон шаҳри атрофида Piper PА-32 самолётини бошқариб кетаётганида ҳалокатга учраган. Самолёт Онтарионинг Маркхем шаҳридан Квебек провинциясининг Квебек шаҳри томон ҳаракатланаётган бўлган.
Самолётда Облоқуловнинг турмуш ўртоғи ва 3, 11 ва 15 ёшли фарзандлари бўлган. Бундан ташқари, бортда Канаданинг Торонто шаҳрида доимий истиқомат қилувчи, асли Ўзбекистондан бўлган Бобомурод Набиев ва унинг турмуш ўртоғи ҳам бўлган.
Самолёт Кингстон шаҳрининг шимоли-ғарбига, қуюқ ўрмонга қулаган. Фожиа оқибатида самолётнинг барча йўловчилари ҳалок бўлган.
Ҳалокат сабаблари ўрганилмоқда. Канада метеорология хизмати тарқатган хабарга кўра, самолёт қулаган пайтда ҳудудда кучли шамол эсган.
Изоҳ (0)