Самарқанд шаҳридаги «Боғишамол Garden» мажмуасида «Жаҳон палов чемпионати» ўтказилди. Бу ҳақда Туризмни ривожлантириш қўмитаси матбуот хизмати маълум қилди.
Чемпионатда Ўзбекистон ошпазлар уюшмасининг халқаро мусобақаларда ғолиб бўлган ёш ошпазлари ҳам иштирок этди.
Мусобақа давомида туркча ош, Хоразм, Самарқанд, Тошкент, Жиззах, Андижон, Фарғона, Қашқадарё оши каби 10 хил турдаги палов пиширилиб, ғолиблар аниқланди.
Мусобақада маҳоратли ошпазлар Файзулла Абдуллаев «Байрам», Исматилла Исломов «Самарқандча» ва Акром Обидов «Чойхона» ошини маҳорат билан тайёрлаб, ғолиблар қаторидан ўрин олди.
Ўзбек паловининг хилма-хил турлари ва бетакрор лаззатини дунёга намойиш этиш мақсадида ташкил этилган тадбир ҳорижий меҳмонлар эътирофига сазовор бўлди.
Маълумот учун, БМТнинг Бутунжаҳон сайёҳлик ташкилотига кўра, ҳар учинчи сайёҳ бораётган давлатининг миллий ошхонасини саёҳат қилиш учун мотивация деб ҳисоблайди ва умумий харажатларнинг таҳминан 30 фоизини овқатланишга сарфлайди.
Изоҳ (0)