Татаристон Республикаси президенти Рустам Миннихонов 25 ноябрь, душанба куни Самарқанд шаҳрига келди, деб хабар бермоқда Самарқанд вилоят ҳокимлиги матбуот хизмати.
Юқори мартабали меҳмонни Самарқанд халқаро аэропортида вилоят ҳокими Эркинжон Турдимов кутиб олган. Рустам Миннихонов шу ердан Ўзбекистондаги татар миллати жамоатчилиги вакиллари билан учрашувга жўнаб кетган.
Аввалроқ Татаристон президенти Рустам Миннихонов ноябрь охирида ишчи ташриф билан Ўзбекистонга келиши, ташриф доирасида Ўзбекистон ҳукуматида, шунингдек, бир қатор вазирлик ва идораларда учрашувлар бўлиб ўтиши ҳақида хабар берилган эди.
Рустам Миннихонов Самарқандга сўнгги марта 2017 йилнинг сентябрида ташриф буюрган.
Изоҳ (0)