Бухорода 24 ноябрь, якшанба куни соат тахминан 11:30 да юк машинаси икки кишини уриб юборди, деб хабар бермоқда ИИВ ҳузуридаги Тергов департаменти.
Маълум бўлишича, 24 ёшли О.А. Isuzu юк машинасида Бухоро шаҳар Дўстлик кўчасидан ўтувчи А-380 автомобиль йўлининг 218-кмдан Газлишоҳ кўчасидаги айланма йўл томонга ҳаракатланиб келиб, пиёдалар ўтиш жойидан ҳаракат йўналиши бўйича йўлнинг чап томонидан ўнг томонига кесиб ўтаётган пиёда 51 ёшли Т.Б. ва унинг турмуш ўртоғи 49 ёшли Ю.Ё.ни автомашинанинг олд томони билан уриб юборган.
Мавзуга доир: Сергелида Matiz ҳайдовчиси пиёдалар йўлакчасидан ўтаётган 50 ёшли фуқарони уриб юборди
Ҳолат юзасидан 24 ноябрь куни Бухоро шаҳар ИИО ФМБ ҳузуридаги тергов бўлими томонидан фуқаро О.А.га нисбатан Жиноят кодексининг 266-моддаси 3-қисми «а» банди (Одамлар ўлимига олиб келган, транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Дастлабки тергов ҳаракатлари давом этмоқда.
Изоҳ (0)