20 ноябрь, чоршанба куни соат 03:40 атрофида Самарқанд шаҳри, Беруний кўчасида тадбиркор Д.М. ва унинг 2 нафар шериги бошқа бир тадбиркор — И.М. билан ўзаро жанжаллашиб, қўл ва оёқлари билан танасининг турли қисмларига бир неча маротаба уриб, тан жароҳати етказган. Бу ҳақда «Дарё»га Бош прокуратура матбуот хизмати маълум қилди.
Мазкур ҳодиса оқибатида И.М. олган тан жароҳатлари туфайли 23 ноябрь, шанба куни шифохонада ҳаётдан кўз юмди.
Мазкур ҳолат юзасидан Самарқанд шаҳар ИИО ФМБ томонидан ЖКнинг 104-моддаси 3-қисми «д» банди билан жиноят иши қўзғатилган.
Д.М. ва унинг 2 нафар шериги процессуал тартибда ушланган.
Изоҳ (0)