Самарқанд шаҳри ва тумани чегараси ўзгаради

30 ноябрь, шанба куни Олий Мажлис Сенатининг йигирма тўртинчи ялпи мажлиси чақирилади, деб хабар берди Сенат ахборот хизмати.

Ялпи мажлисда тарихда илк бор қабул қилинган «2020 йил учун Ўзбекистон Республикасининг давлат бюджети тўғрисида»ги қонун муҳокама қилинади.

Шунингдек, Сенат кун тартибида қуйидаги масалалар кўрилади:

• «Ўзбекистон Республикаси Вазирлар Маҳкамаси тўғрисида»ги, «Волонтёрлик фаолияти тўғрисида»ги, «Касаба уюшмалари тўғрисида»ги қонунлар;
• «Фаол инвестициялар ва ижтимоий ривожланиш йили» давлат дастурининг 2019 йил учинчи чорагидаги ижроси юзасидан Вазирлар Маҳкамасининг ҳисоботи;
• Айрим қонун ҳужжатларига ўзгартиш ва қўшимчалар киритиш;
• «1993 йил 22 январдаги Фуқаролик, оилавий ва жиноят ишлари бўйича ҳуқуқий ёрдам ҳамда ҳуқуқий муносабатлар тўғрисидаги Конвенсияга доир Баённомани (Москва, 1997 йил 28 март) ратификация қилиш ҳақида»ги қонун;
• Вазирлар Маҳкамасига давлат божхона хизмати органлари томонидан қонун ҳужжатларининг ижро этилиши ҳолати, арзон уй-жой қурилиши, газ, электр таъминоти билан боғлиқ парламент сўровлари юбориш.