Боливия ташқи ишлар вазирлиги Мексика ҳукуматига собиқ президент Эво Моралесни ҳали ҳам фаолият олиб бораётгани ва сиёсий қочоққа айланмагани ҳақида маълумот берилгани юзасидан эътироз билдирди. Бу ҳақда «РИА Новости» хабар берди.
Боливия ҳукумати Мексикани БМТ 1967 йилда қабул қилган декларациянинг 4-моддасини бузганликда айбламоқда. Ушбу моддада давлат томонидан тақдим қилинган ҳудудий бошпана қочоқларнинг фаолият олиб боришини тақиқлайди, бу БМТнинг тинчликни қўллаб-қувватлаш, дўстона муносабатлар ва бошқа давлатлар ички сиёсатига аралашмаслик бўйича мақсадларига зид келади.
«Эво Моралес Мексикадан туриб конституциявий ҳукумат, тинчлик ва Боливия фуқароларининг ҳуқуқларини поймол қилмоқда ҳамда зўравонлик сиёсатини тарғиб қилмоқда», — дейилади ташқи ишлар вазирлигининг Twitter’даги саҳифасида.
Мавзуга доир:
Эво Моралес 20 октябрда кичик устунлик билан Боливия президентлиги учун ўтган сайловларда ғолиб чиққан, аммо мухолифат сайловларда кўплаб қоидабузилишлар кузатилганлигини билдирган. Моралес аввалига сайловларнинг қайта ўтказилишини айтди, бироқ кейин ҳарбийлар босими остида истеъфога чиқиб, мамлакатни тарк этди. Президентдан кейин давлатнинг барча юқори лавозимдаги мансабдорлари истеъфога чиқди, ҳукумат мухолифат вакили бўлган сенат вице-спикери Жанун Анес бошқарувига ўтди. Моралес тарафдорлари Анеснинг президент вазифасини бажариши ноқонуний эканлигини айтиб, ушбу сиёсий ўзгаришларга қарши курашмоқда.
Изоҳ (0)