Туркманистондаги мамлакат жануби ва шимолини бир-бирга боғлаб турувчи «Ашхобод—Тошҳовуз» трассасида тунда автомобилда ҳаракатланиш яна тақиқлаб қўйилди. Ушбу тақиқга йўлда транспорт ҳодисаларининг кўплиги сабаб бўлган. Бу ҳақда «Хроника Туркменистана» хабар берди.
Ҳайдовчиларнинг сўзларига кўра, ЙТҲлар 500 километр узунликдаги йўлнинг айрим қисмлари авария ҳолатга келгани туфайли содир бўлмоқда.
Мавзуга доир:
«Трасса атрофида туялар кўп ва улар кўпинча автомобиль йўлига югуриб чиқади. Машина ҳамда «чўл кемаси» тўқнашуви оқибатида нафақат жонивор, балки одамлар ҳам ҳалок бўлмоқда», — дейди инспектор.
Мавзуга доир:
Ушбу трассада тез-тез юриб турадиган ҳайдовчилар тезда Тошҳовузга етиб олиш учун тунда йўлга чиққанда постда навбатчиликда турганларга 50 манат пора бериб манзилга етиб олмоқда.
«Ҳамма жойда бўлгани каби бундай тақиқлар уларни шундай қинғир йўл билан айланиб ўтиш ҳамда кимларнидир бой қилиш мақсадида амалга киритилади», — дейди ҳайдовчилардан бири.
Изоҳ (0)