Исроил қуролли кучларининг зарбаси Суриядаги «Ал-Қудс» Ислом революцияси Эрон қўриқчилари корпуси ҳамда Сурия ҳарбийларига қаратилганди, дея баёнот берган Исроил бош вазири Бинямин Нетаньяху. Бу ҳақда «Интерфакс» хабар берди.
«Мен ким бизга зарар етказса биз унга жавоб қайтаришимизни тушунтириб қўйдим. ‘Ал-Қудс’ ва Сурия ҳарбийларининг Исроил томон ракеталар йўллаб қилган ҳужумига жавоб зарба берилган тун ушбу гапларимга исбот бўлди», — дейилади Исроил бош вазирининг Twitter’даги твитида.
«Биз Исроилнинг хавфсизлигини ишонч билан қўриқлаш ва таъминлашда давом этамиз», — дея қўшимча қилган Нетаньяху.
Аввал Исроил армиясининг ахборот хизмати Сурияда Ислом революцияси қўриқчилари Эрон кучлари корпуси ҳамда Дамашқ ҳарбийларининг Исроил томон 4 та ракета йўллаб қилган ҳужумига жавоб қайтарилганини тасдиқлаган.
«Авиазарба Сурия ҳудудидан туриб ҳужум уюштирган Эрон корпуси кучларига қаратилганди», — дейилади Исроил армияси баёнотида.
Суриянинг Сано ахборот агентлиги берган хабарга кўра Исроил ҳарбий ҳаво кучлари Дамашқ ҳудудига зарба йўллаган. Ҳужум оқибатида икки нафар тинч аҳоли вакили ҳалок бўлган, Сурия ҳаводан ҳимоя кучлари ракеталарнинг аксариятини ҳавонинг ўзида йўқ қилишга муваффақ бўлган.
Breaking video footage emerges huge fire ripping through unknown object in southern #Damascus amid #Israeli airstrikes. pic.twitter.com/5LHaG3AHxO
— Majd (@Syria_Protector) November 19, 2019
Аввал октябрь ойида Исроилнинг Сурия шимоли-шарқидаги «Тинчлик булоғи» ҳарбий операциясидан фойдаланиб Сурия ҳудудига ҳаводан зарба йўллагани хабар қилинган.
Изоҳ (0)