Туркия ҳукумати вакиллари Россиянинг Анқарадаги фавқулодда ва мухтор элчисига Сурия шимоли-шарқидаги «Тинчлик булоғи» ҳарбий операциясини қайта бошлаш режалаштирилмаганлигини маълум қилган. Бу ҳақда Россия ташқи ишлар вазири Сергей Лавровнинг сўзларига таяниб «Известия» хабар берди.
Россия федерацияси ташқи ишлар вазирининг сўзларига кўра, Анқара вакиллари мамлакатнинг Туркиядаги элчихонаси билан вазиятни муҳокама қилиш учун боғланган.
«Россиянинг элчисига англашилмовчилик бўлгани ва Анқарада ҳеч ким Туркия ташқи ишлар вазири Мавлут Чавушўғлу ҳам, президентнинг расмий вакили Иброҳим Калин ҳам Россия амалга ошираётган ишлардан шубҳага бормаган ва «Тинчлик булоғи» операциясини қайта бошлашни назарда тутиб гапирмаган», — дейди Лавров.
Мавзуга доир: Эрдўғон Трамп билан АҚШ Сурия бўйича келишувда бажармаган мажбуриятларни муҳокама қилади
Мавзуга доир: Туркия Сурия шимоли-шарқида ҳарбий база қуришни бошлади
«Тинчлик булоғи» операцияси ҳақида
9 октябрда Анқара Сурия шимоли-шарқида Туркиядаги қочоқлар учун хавфсиз зона ташкил этиш мақсадида «Сурия демократик кучлари» курд жангарилари ва ИШИД террорчиларига қарши «Тинчлик булоғи» ҳарбий операциясини бошлаган. Дунё давлатлари туркларнинг ушбу ҳаракатларини қоралаган. АҚШ Туркияга қарши санкциялар қўллади.
17 октябрда Анқара ва Вашингтон Сурия шимоли-шарқидаги операцияни 120 соатга, курдлар хавфсиз зона ҳудудидан чиқиб кетиши учун тўхтатишни келишиб олди ва санкциялар бекор қилинди.
22 октябрда Сочида Россия президенти Владимир Путин ва Туркия давлат раҳбари Ражаб Тоййиб Эрдўғон Сурия ҳудудидаги нотинч вазиятни муҳокама қилди ва «Тинчлик булоғи» операциясини 23 октябрдан яна 150 соатга тўхтатиш ва ўт очмаслик ҳақидаги шартлашув муддати якунига етгач ҳамкорликда Туркия—Сурия чегарасида 30 километрлик ҳудудни барпо этиш учун қўшма патрул тадбирлари ўтказиш ҳақида меморандум имзолади.
1 ноябрда курдларнинг Туркия чегарасидан 30 километр узоқликка чекингани ва улар тарк этган ҳудудни Сочида имзоланган меморандумга мувофиқ Сурия қўшинлари ва Россия ҳарбий полицияси эгаллаши маълум бўлди. 5 ноябрда Туркия ҳамда Россия ҳарбийлари Сурия шимолидаги Айн-ал-Араб аҳоли пунктидаги (Кобани) иккинчи қўшма патрул тадбирларини бошлади. 10 ноябрда Туркия президенти Ражаб Тоййиб Эрдўғон ҳамда Россия президенти Владимир Путин телефон орқали суҳбат қилиб, Суриядаги низоларни ҳал этиш борасида ўзаро фикр алмашган. Россия Туркия келишувига мувофиқ икки давлат ҳарбийлари Сурия шимоли-шарқида жами 8 та қўшма патрул тадбирлари ўтказган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)