Ҳиндистон шимолида 18 ноябрь куни тонгда юз берган автобус ҳамда юк машинаси иштирокидаги йўл транспорт ҳодисаси оқибатида камида 11 нафар одамнинг ҳалок бўлгани, 15 нафар фуқаро эса турли тан жароҳалатлари олгани хабар қилинди, деб ёзмоқда «РИА Новости».
Хабарларга кўра, ЙТҲ Ражастан штатидаги Лакхасар қишлоғи яқинида содир бўлган. India Today журналининг ёзишича, аянчли тўқнашув оқибатида автобусдаги 10 нафар йўловчи воқеа жойида ҳалок бўлган. Талофат кўрганларнинг қолган қисми зудлик билан шифохоналарга етказилган.
Авариянинг аниқ сабаби номаълумлигича қолмоқда. Рожастон штати бош вазири Ашок Гелот ҳалок бўлганларнинг оила аъзоларига ҳамдардлик билдириб ҳодиса юзасидан тергов-суриштирув ишлари ўтказилишини маълум қилган.
Изоҳ (0)