Туркманистонда юзлаб одамлар Ўзбекистон визасини олиш учун навбат кутмоқда

Ўзбекистоннинг Туркманистон пойтахти Ашхабоддаги элчихонасида виза олиш учун турнақатор навбатлар юзага келган. Ҳар куни эрта тонгдан дипломатик ваколатхона ёнида виза учун ҳужжат топшириш ниятида бўлган ёки тайёр стикерни олиб кетиш учун келган туркманистонлик фуқаролар навбатга турмоқда. Бу ҳақда «Turkmen.news» хабар берди.

2019 йил январь–июнь ойларида Ўзбекистонга Туркманистондан 233 минг фуқаро ташриф буюрган. Ўзбекистонга келишдан асосий мақсад халқ истеъмоли учун маҳсулотлар сотиш ва маҳаллий банкоматлардан пулни нақдлаштириш экани қайд этилган. Валюта дардидаги туристларнинг оқимини Туркманистон миграция хизмати ва Ташқи иқтисодиёт банки ушлаб қолишга, фуқароларни мамлакатда олиб қолиш учун янги тақиқлар ўйлаб топишга уринмоқда.

Навбатда турган эркаклардан бири банкоматлардан ўзи, қариндошлари, танишлари ва танишларининг танишлари учун валютани нақдлаштириш мақсадида кўп марталик виза олиб 20 кунга Ўзбекистонга келиб кетмоқчи. У фуқароларнинг карталаридаги валютани маҳаллий дўконлардаги сотувчилардан 50 АҚШ долларини фоиз ҳисобига картасидан нақдлаштириб, мижозларига 40–45 доллар ечиб бермоқда.Шу сабабли Ўзбекистонга қатнаётган «учарлар»га одамларнинг ўзи карталарини бериб, ПИН-кодларни айтмоқда. Улар 100–150 манат эвазига Туркманистонга валюта олиб келиб бермоқда ва долларлар «қора бозор»да қайта нақдлаштирилмоқда. Ширберди визаси билан Ўзбекистонга беш марта чиқиб келган, виза ва йўлкира ҳаражатларидан ташқари бир ҳафаталик рўзғор учун ҳам фойда қилган. У бу бизнес билан бир йилдан бери шуғулланиб келади.

«Валюта туристлари» орасидагиларнинг ҳаммаси Ширберди каби ишсиз эмас. Кўпчилик давлат хизматларида ишлайди, Ўзбекистонга чиқиб картадан валюта ечишни эса меҳнат таътили вақтида ёки дам олиш кунларида амалга оширади.

Аввал хорижга чиқишни истаган фуқаролар Туркманистон миграция хизматига 2 мингдан 5 минггача АҚШ долларида пора бераётгани, хизматда хорижга чиқмайдиган одамларнинг «қора рўйхати» борлиги, шунингдек, Ашхободда уйини сотиб бошқа ерга кўчиб кетмоқчи бўлганларнинг амладорларга пора беришга мажбур бўлаётгани ҳақида хабар қилинган.