Жиззах вилояти, Дўстлик тумани, Ғ.Ғуломов маҳалласида яшовчи Р.Р. ҳамда унинг турмуш ўртоғи У.Р. ва фарзанди Ш.Р.лар яшаш хонадони ошхонасида ўрнатилган газ плитасидан чиққан ис газидан заҳарланган, деб хабар бермоқда Бош прокуратура матбуот хизмати.
Маълум қилинишича, Р.Р. воқеа жойида вафот этган, У.Р. ҳамда Ш.Р.лар шифохонага ётқизилган.
Мазкур ҳолат юзасидан туман прокуратураси томонидан терговга қадар текширув ҳаракатлари ўтказилмоқда.
Аввалроқ Тошкент вилояти Қуйи Чирчиқ туманидаги намунавий уйларнинг бирида сизиб чиққан газ тўпланиб қолиши оқибатида портлаш юз берганди. Бунинг оқибатда икки киши воқеа жойида ҳалок бўлган, тўрт киши эса касалхонага ётқизилганди. Қашқадарёда саккиз киши ис газидан заҳарланган ва касалхонага ётқизилганди ҳамда Нукусда эр-хотин ис газидан заҳарланиб ўлгани ҳақида хабар берилганди.
Изоҳ (0)