Чеченистонда давлат хизматчилари масофавий фаолият олиб боришига имкон берувчи қонун лойиҳаси ишлаб чиқилди. Бу ҳақда «РИА Новости» хабар бермоқда.
«Қонун лойиҳаси давлат хизматига Чеченистондан ташқарида, шунингдек, чекка аҳоли пунктларида яшовчи юқори малакали мутахассисларни жалб этиш учун қўшимча шароитлар яратилишини таъминлайди», — дея изоҳ берган республика иқтисодий-ҳудудий ривожланиш ва савдо вазири Иброҳим Идрисов.
Вазирга кўра, давлат хизматчиларининг бир қисмини масофавий ишга ўтказиш уларнинг фаолиятини таъминлаш, транспорт ва бошқа харажатларни камайтиради. Бу эса Чеченистонда давлат хизмати жозибадорлигини оширишга хизмат қилади.
Изоҳ (0)