Тошкентда қатор автобус йўналишлари ҳаракатига вақтинчалик ўзгартиришлар киритилди, деб хабар бермоқда «Тошшаҳартрансхизмат» матбуот хизмати.
Қайд этилишича бунга Юнусобод туманидаги Аҳмад Дониш кўчасининг Юнусота ва Ҳусайний кўчалари оралиғидаги қисми 15 ноябридан 22 ноябрь кунигача ёпилиши сабаб бўлган. Йўлнинг ушбу қисми Юнусобод йўналишининг иккинчи босқичи қурилиши доирасида ер ости ўтиш йўлини барпо этиш ишлари олиб борилиши муносабати билан билан ёпилиши хабар берилган эди.
Шу сабабли «Тошшаҳартрансхизмат» АЖ таркибидаги автокорхоналарга бириктирилган 5, 52, 60, 72, 82, 91, 96, 97, 140, 149, 152, 190-сонли автобус йўналишлари ҳаракатига вақтинчалик ўзгартиришлар киритилади.
Изоҳ (0)