Туркия ҳозирда вақтинча сақлаш марказларида бўлган ИШИД террорчилик ташкилотининг 959 нафар аъзосини депортация қилади, деб хабар беради Hurriyet нашри.
Хабарда айтилишича, депортация қилинадиган шахслар орасида 82 нафар ўзбекистонлик, 10 нафар қозоғистонлик, 23 нафар қирғизистонлик, 6 нафар туркманистонлик ва 99 нафар россиялик бор.
Вақтинча сақлаш марказидаги 959 нафар шахснинг 147 нафари ёш болалардир. Болаларнинг аксарияти Суриядаги тўқнашувлар вақтида ота-онасини йўқотган.
Маълумот учун, октябрь ойида Ўзбекистон Президенти Шавкат Мирзиёев топшириғига кўра махсус тузилган ишчи гуруҳ томонидан Ироқ ҳукумати ва UNICEF билан ҳамкорликда Ироқ ҳудудида оғир шароитда қолаётган 64 нафар бола Ўзбекистонга қайтарилди.
Мавзуга доир: Ироқдан Ўзбекистонга 64 нафар бола олиб келинди. Уларнинг оналари Ироқ қамоқхоналарида жазо ўтамоқда
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)