«Дарё» таҳририятига Навоий шаҳрида истиқомат қилувчи Маҳмудова Моҳигул турмуш ўртоғи 2-гуруҳ ногирони Фурқат Исақовга ёрдам сўраб мурожаат қилди.
Фурқат Исақов 1990 йил 24 августда Навоийда туғилган. 2007- йилда футбол ўйнаётиб, оёғининг тизза қисмидан оғир жароҳат олган. Бунинг натижасида суяги емирилиб, пайи узилган. 2017—2018 йилларда икки бор операция бўлган. Фурқатжон 3 маротаба оёғининг тизза қисмини операция қилиб, сурилувчан шурп қўйдириши керак. Белидаги чурра (грижа)сини даволатиш ва соғайиб оёққа туриши учун унга 25 миллион сўм маблағ зарур Аммо ёш оиланинг бунга қурби етмайди.
«Иккимиз ҳам меҳрибонлик уйида катта бўлганмиз. Айни пайтда Навоий шаҳридаги давлат ётоқхонасида яшаймиз. Эрим касал бўлгандан бери ҳеч қаерда ишламайди. Иккита фарзандим бор. Кичкинам ҳали бир ярим ойлик. Шунинг учун мен ҳам бирон жойда ишлолмайман.
Давлатдан ногиронликка бериладиган 286 минг сўмга яшаймиз. Маҳаллада кам таъминланганлар рўйхатида турамиз. Ўтган йилги операцияга маҳалла «комитети» катта ёрдам берган. Лекин бу сафаргисига эса… Эрим операция бўлиб, тезроқ оёққа туриб кетишини хоҳлайман, бироқ операцияга 25 миллион сўмни қаердан оламиз? Шароитимиз оғир аҳволда. Яхши инсонларнинг ёрдамига жуда-жуда муҳтожмиз», — дейди биз билан суҳбатда беморнинг аёли Моҳигул опа.
Барча саховатпеша юртдошларимиздан Фурқат Исақов тузалиб кетишида моддий ёрдам беришингизни сўраймиз.
Фурқат Исақов учун хайрия қилиш истагида бўлганлар учун керакли маълумотлар:
Пластик карта орқали ;
Аёли Маҳмудова Моҳигул номига очилган
8600080453954819
Хориждан маблағ юбормоқчи бўлганлар учун паспорт маълумотлари:
Исақов Фурқат Ҳамраевич
Паспорт рақами: АА2679671
Пайнет орқали пул ташлашни истаганлар учун:
+99891 330-05-89
Хотинининг телефон рақами:
+99891 330-05-89
Изоҳ (0)