Фарғонада «Камаз» Nexia’ни уриб юбориши оқибатида 2 киши ҳалок бўлди. Бу ҳақда «Дарё»га Бош прокуратура матбуот хизмати хабар берди.
Маълум бўлишича, воқеа 14 ноябрь куни соат соат 10:00 ларда содир бўлган. Ю.М. «Камаз» юк машинасини Ўзбекистон тумани, Яккатут—Ўқчи йўналиши бўйлаб бошқариб кетаётган вақтда бошқарувни йўқотиб, йўлнинг қарама-қарши йўналишига ўтиб кетиб, О.Т. бошқарувидаги Nexia’нинг олд қисмига урилган.
Оқибатда Nexia йўловчилари 58 ёшли Қ.Т. ва 59 ёшли Х.О. ҳодиса жойида вафот этган.
Мазкур ҳолат юзасидан шу куни туман ИИБ томонидан Жиноят кодексининг 266-моддаси 3-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) билан жиноят иши қўзғатилган.
Ушбу моддада муайян ҳуқуқдан маҳрум қилиб, ўн йилгача озодликдан маҳрум қилиш жазоси кўзда тутилган.
Изоҳ (0)