12 ноябрь куни Ашхабод шаҳрининг 30-микрораёнида жойлашган «Қорақум» давлар дўкони сотувчилари маҳсулотлар сотиб олиш учун навбатда турган коммунал хўжаликларнинг вилоятлардан келган ишчи аёлларини қувиб солган, деб хабар берди «Хроника Туркменистана». Нашрнинг ёзишича, аёллар сотувчига пойтахтда яшаши ёки вақтинчалик рўйхатдан ўтказилганини исботлаб, уй-жой коммунал ширкати маълумотномасини тақдим этмаган.
Аёлларнинг бири Tошҳовуз вилояти, бошқа бири эса Лебоб вилоятининг Туркманобод шаҳридан бўлган.
«Вилоятларда иш йўқ. Бу ерда гарчи давлат ташкилоти бўлса ҳам ярим легал ишлаймиз. Ижарада яшаймиз. Инспекторлар ва текширувчиларга тез-тез пора берамиз. Шу сабабли ҳам давлат дўконларидан маҳсулот олиб, озиқ-овқат борасида пул тежашга ҳаракат қиламиз. Энди ушбу имкониятимиздан ҳам маҳрум бўлдик», – дейди аёллардан бири.
Туркманистондаги давлат дўконларида танқис бўлиб қолган ун, нон, тухум ва ўсимлик ёғи каби маҳсулотлар учун ҳали ҳам турнақатор навбатлар кузатилмоқда. Оломонни назорат қилиш учун дўконлар ёнига милиционерлар ҳам навбатчиликка қўйилмоқда.Мавзуга доир: Туркманистондаги озиқ-овқат инқирози давом этмоқда
Изоҳ (0)