Исроил армияси 12 ноябрь, сешанба куни амалга оширган ҳаво ҳужуми оқибатида 22 нафар Фаластин фуқароси ҳалок бўлди ва 70 нафарга яқин одам турли тан жароҳатлари олди. Бу ҳақда «ТАСС» хабар берди.
Аввалроқ Sky News Arabia телеканали ҳужум оқибатида 13 нафар одамнинг қурбон бўлганлигини хабар қилганди.
Фаластин соғлиқни сақлаш вазирлигининг ҳудуддаги ваколатхонаси секторнинг яна уч нафар фаластинликнинг ҳалок бўлганлигини тасдиқлади. Ҳужум қурбонларининг сони 22 нафарга етди. Маълум вақт илгари Исроил авиацияси Ғазо шаҳридаги Ат-Туффаҳ туманидаги араблар гуруҳига ҳужум уюштирган ва ҳаво зарбаси оқибатида уч нафар одам ҳалок бўлганди.
Мавзуга доир:
Икки томон тинчлиги учун улар ўртасида воситачилик қилувчи Қоҳира яна ушбу операцияларни тўхтатишга уринмоқда. Фаластиннинг Маан ахборот агентлиги БМТнинг Яқин Шарқ бўйича координатори Николай Младеновнинг Тель-Авивдан Миср пойтахтига ушбу нотинч вазиятни муҳокама қилиш учун боришини хабар қилган.
Изоҳ (0)