Фотима Жакипова Қозоғистон маориф ва илм-фан вазири ўринбосари лавозимидан озод қилинди. Бу ҳақда «Интерфакс» хабар берди.
«Жакипова Фотима Надировна ўз аризасига кўра ҳукумат қарори билан Қозоғистон республикаси маориф ва фан вазири ўринбосари лавозимидан озод қилинди», — дейилади Қозоғистон бош вазирининг сайтида берилган ахборот хизмати хабарида.
Ўтган ҳафтада сенатор Едил Мамитбеков бош вазирга сўров билан мурожаат қилган, унда ОАВ плагиатда айблаётган Жакипованинг маориф ва илм-фан вазири ўринбосари лавозимидан озод қилинишини талаб қилганди.
Сенатор таълим соҳаси жамиятни икки марта: диссертациясини ҳимоя қилаётганда ва оммавий ахборот воситаларидаги чиқишларда алдаган шахс раҳбарлигига муҳтож эмаслигини таъкидлаган.
Мавзуга доир: Қозоғистон президенти ўз қароргоҳида чироқнинг ўчганлиги юзасидан суриштирув ўтказишни буюрди (фото)
«Ушбу масаланинг кўриб чиқилишини тезлаштириш керак. Вазирни сенат олдида ҳисоботга таклиф қилинг, у ўз жамоаси билан ушбу муаммоларга ойдинлик киритсин», — деган Назарбоева.
Аввал вазирлик ходимларидан бири ижтимоий тармоқларда вазир ўринбосари Фотима Жакипованинг диссертацияси бошқа илмий ишлардан кўчириб ёзилганини билдирган. Жакипова бунга жавобан ижтимоий тармоққа миллий марказнинг давлат илмий-техник экспертиза хулосасини юклаган ва ‘Антиплагиат’ тизими диссертациянинг марказ маълумотлар базасидаги ҳеч бир илмий иш билан ўхшаш эмаслигини маълум қилган.Кейинроқ «Время» газетаси хорижнинг StrikePlagiarism таҳлил тизими вазирнинг илмий ишида плагиат белгилари борлиги аниқлангани ҳақида ёзган.
Изоҳ (0)