Бухоро шаҳрида яшовчи 62 ёшли фуқаро Бухоро шаҳар ИИБга ариза билан мурожаат қилиб, ўзининг «Ваз-21011» русумли авмобилини ўғирлаб кетишганини маълум қилди. Бу ҳақда Бухоро вилояти ИИБ матбуот хизмати хабар берди.
Мурожаат асосида автомашинани топиш бўйича зудлик билан ички ишлар органларининг керакли куч ва воситалари сафарбар этилиб, вилоят бўйича «тўсиб ушлаш» режаси ҳаракатга келтирилган.
Натижада автомашина шу куни соат 13:00 ларда Бухоро шаҳар Шайхул-олам кўчаси ҳудудида аниқланган.
Маълум бўлишича, Бухоро шаҳрида яшовчи, 1991 йилда туғилган Ш.А. исмли шахс маст ҳолда автомашинани бошқариб кетган.
Мазкур ҳолат юзасидан Ш.А.га нисбатан Жиноят кодексининг 267-модда («Транспорт воситасини олиб қочиш») 1-қисми ва 227-модда («Ҳужжатлар, штамплар, муҳрлар, бланкаларни, автомототранспорт воситаларининг ва улар тиркамаларининг (ярим тиркамаларининг) давлат рақам белгиларини эгаллаш, нобуд қилиш, уларга шикаст етказиш ёки уларни яшириш») 1-қисми билан жиноят иши қўзғатилиб, ушланган.
Мавзуга доир: Тошкентда икки йигит ва бир қиз Spark’ни олиб қочди, сўнг ЙТҲ содир этиб, ўша ерда қолдириб кетди
Изоҳ (0)