Қуйичирчиқ тумани «Сурум» МФЙ Намунали уй кўчасида жойлашган 1-уйнинг иситиш қозонидан табиий газнинг сизиб чиқиши натижасида содир бўлган чақнаш оқибатида икки киши ҳалок бўлгани ҳақида хабар берилганди. Бош прокуратура мазкур ҳолат юзасидан расмий баёнот берди.
11 ноябрь куни Қуйичирчиқ туманида намунали уйларнинг хонадонида газ чақнашидан ҳосил бўлган ёнғин оқибатида 2 нафар фуқаро вафот этганлиги ва 4 нафари тан жароҳатлари олиб, шифохонага ётқизилганлиги ҳақида хабар берилган.
Мазкур ҳолат юзасидан 13 ноябрь куни Қуйичирчиқ тумани прокуратураси томонидан Жиноят кодексининг 207-моддаси («Мансабга совуққонлик билан қараш») 3-қисми «а» банди ва 258-моддаси («Тоғ-кон, қурилиш ёки портлатиш ишлари хавфсизлиги қоидаларини бузиш») 2-қисми «а» банди билан жиноят иши қўзғатилди.
Ҳозирда тергов ҳаракатлари олиб борилмоқда.Эслатиб ўтамиз, содир бўлган чақнаш оқибатида эса уйнинг дераза ромлари, эшиклари, ётоқхонанинг деворлари ва шифти отилиб кетган ва шифтдаги темир-бетон плиталари қулаб тушган.
Изоҳ (0)