Фарғона вилояти Бувайда туманидаги «Озод» маҳалла фуқаролар йиғинида истиқомат қилувчи 64 ёшли отахон биометрик паспорт оладиган бўлди. Бу ҳақда Адлия вазирлиги матбуот хизмати хабар берди.
1955 йилда туғилган Мўминжон ота шу кунга қадар собиқ ССР паспорти билан юргани, эътиборсизлиги туфайли биометрик паспортни олмаганини айтиб, Бувайда тумани адлия бўлими ходимларига мурожаат қилган.
Бўлим ходимлари отага ҳуқуқий маслаҳат бериб, қай тарзда янги паспорт олиниши ва бу учун қандай ҳужжатлар кераклиги ҳақида маълумот берган.
Шундан сўнг, отахон тумандаги паспорт бўлимига барча ҳужжатларни топширган.
Эслатиб ўтамиз, 2018 йили Хоразмда 1900 йили туғилган 118 ёшли Ёқутжон она Раҳимовага, ундан аввалроқ ургутлик 118 ёшли Улуғ момо Олимовага биометрик паспортлар топширилган эди.
Мавзуга доир:
Изоҳ (0)