Farg‘ona viloyati Buvayda tumanidagi “Ozod” mahalla fuqarolar yig‘inida istiqomat qiluvchi 64 yoshli otaxon biometrik pasport oladigan bo‘ldi. Bu haqda Adliya vazirligi matbuot xizmati xabar berdi.
1955-yilda tug‘ilgan Mo‘minjon ota shu kunga qadar sobiq SSR pasporti bilan yurgani, e’tiborsizligi tufayli biometrik pasportni olmaganini aytib, Buvayda tumani adliya bo‘limi xodimlariga murojaat qilgan.
Bo‘lim xodimlari otaga huquqiy maslahat berib, qay tarzda yangi pasport olinishi va bu uchun qanday hujjatlar kerakligi haqida ma’lumot bergan.
Shundan so‘ng, otaxon tumandagi pasport bo‘limiga barcha hujjatlarni topshirgan.
Eslatib o‘tamiz, 2018-yili Xorazmda 1900-yili tug‘ilgan 118 yoshli Yoqutjon ona Rahimovaga, undan avvalroq urgutlik 118 yoshli Ulug‘ momo Olimovaga biometrik pasportlar topshirilgan edi.
Mavzuga doir:
Izoh (0)