Сирдарёда 41 ёшли эркак жанжал туфайли ўз танишини пичоқлади

Сирдарё вилоятининг Сардоба тумани, «Дўстлик» маҳалласида 41 ёшли Ф.Э. таниши 41 ёшли Т.Б. билан ўзаро жанжаллашиб, ошхона пичоғи билан чап кўкрак қафасига бир маротаба уриб, қасддан ўлдирди.

Бош прокуратура матбуот хизматининг «Дарё»га маълум қилишича, воқеа 25 октябрь куни соат 13:20 ларда содир бўлган.

Мазкур ҳолат юзасидан шу куни туман прокуратураси томонидан Ф.Э.га нисбатан Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган. Ушбу моддада 10 йилдан 15 йилгача озодликдан маҳрум қилиш жазоси белгиланган.