Сурхондарёда Йўл ҳаракати хавфсизлиги бошқармаси ходимининг қонуний талабларга бўйсунмасдан унга тан жароҳати етказган фуқаро қўлга олинди. Бу ҳақда Бош прокуратура матбуот хизмати хабар берди.
28 октябрь куни соат 15:00 ларда 1984 йилда туғилган Ў.И. исмли шахс Узун тумани «Уланкул» маҳалласида хизмат вазифасини ўтаётган вилояти ИИБ ЙҲХБ ходимининг қонуний талабларига бўйсунмасдан, бошқарувидаги Lacetti русумли автомашинасида уни 10 метр масофага судраб кетиб, тан жароҳати етказган.
Мазкур ҳолат юзасидан фуқаро Ў.И.га нисбатан Жиноят кодексининг 219-моддаси 1-қисми («Ҳокимият вакилига ёки фуқаровий бурчини бажараётган шахсга қаршилик кўрсатиш») билан жиноят иши қўзғатилган.Ҳозирда тергов ҳаракатлари олиб борилмоқда.
Изоҳ (0)