«Тошкент ҳудудий электр тармоқлари корхонаси» АЖ ижтимоий тармоқларда Бекобод шаҳридаги маҳаллалардан бирида сув қувури тешилгани ва бу юқори кучланишли электр энергияси қурилмаларига таъсир этиши мумкинлиги акс этган видеолавҳага муносабат билдирди.
Маълум бўлишича, шаҳарнинг Ҳамид Олимжон МФЙ Тараққиёт кўчасидан ўтувчи сув қувурларидан бири тешилган. Мазкур ҳолат «Тошкент ҲЕТК» АЖ масъуллари томонидан ўрганилганда сув электр тармоғига ўз таъсирини ўтказмагани, шу ҳудудда истиқомат қилувчи хонадон фуқароларига электр энергияси узлуксиз етказиб берилаётгани маълум бўлган.
Айни дамда ушбу масала «Бекобод шаҳар электр таминоти корхонаси» раҳбарияти томонидан назоратга олинган бўлиб, амалга оширилган чора-тадбирлар юзасидан «Бекобод шаҳар сув тармоғи» идораси билан биргаликда қўшимча ахборот берилади.
Изоҳ (0)