Россиянинг Ленинград вилояти Ломоносов туманида 42 ёшли Ўзбекистон фуқаросини юк поезди уриб кетди, деб хабар бермоқда «Fontanka.ru».
Қайд этилишича, воқеа ҳақида полицияга 26 октябрь куни соат 20:00 ларда хабар келиб тушган. Маълум бўлишича, Новогорелов яқинидаги темир йўл линиясида 1,5 минг тонна шағал ортилган юк поезди муҳожирни уриб кетган. У олган жароҳатлари туфайли воқеа жойида вафот этган.
Поезд машинистининг сўзларига кўра, у темир йўлда тескари қараб кетаётган пиёдани пайқаган ва унга сигнал чалган, лекин эркак бунга эътибор бермаган. Соатига 20 километрдан кўп бўлмаган тезликда ҳаракатланаётган поезд фавқулодда тўхташига қарамай, эркакни уриб кетган.
«Konkretno.ru»нинг маълум қилишича, ҳалок бўлган шахс 42 ёшли Ўзбекистон фуқароси бўлган. Уни 31 ёшли укаси таниган. Унинг сўзларига кўра, акаси дўкондан ўзи ишлаётган Новогорелов қишлоғидаги қурилишга қайтаётган бўлган.
Мавзуга доир:
Изоҳ (0)