Тошкентнинг Нукус кўчасида иссиқ сув қувури ёрилиб кетган, дея хабар бермоқда «Gazeta.uz».
Воқеа иситиш мавсумига тайёргарлик доирасида ўтказилган якуний опрессовка вақтида юз берган — қувур кучли босим остида ёрилиб кетган.
Шаҳар маъмуриятининг қўшимча қилишича, ҳодиса оқибатларини бартараф этиш бўйича чоралар кўрилган ва айни вақтда таъмирлаш ишлари олиб борилмоқда.
Қайд этиш жоиз, Нукус кўчаси остидан ўтган қувурлар сўнгги икки йилдан бери таъмирланади.
Ўтган йил сентябрида шунга ўхшаш ҳодиса Қатортолда бўлганди — йўл остидаги қувурлар юқори босимга бардош бера олмай, ташқарига отилиб чиққан ва камида иккита машинага зарар етказган эди.
Кейинроқ «Тошиссиққуввати» корхонаси ҳодиса оқибатида Spark ва Matiz автомобиллари пачоқ бўлган ҳар икки фуқарога жами 17,8 миллион сўм компенсация пули тўлаб бергани маълум бўлган эди.
Изоҳ (0)