Rossiyaning Leningrad viloyati Lomonosov tumanida 42 yoshli O‘zbekiston fuqarosini yuk poyezdi urib ketdi, deb xabar bermoqda “Fontanka.ru”.
Qayd etilishicha, voqea haqida politsiyaga 26-oktabr kuni soat 20:00 larda xabar kelib tushgan. Ma’lum bo‘lishicha, Novogorelov yaqinidagi temir yo‘l liniyasida 1,5 ming tonna shag‘al ortilgan yuk poyezdi muhojirni urib ketgan. U olgan jarohatlari tufayli voqea joyida vafot etgan.
Poyezd mashinistining so‘zlariga ko‘ra, u temir yo‘lda teskari qarab ketayotgan piyodani payqagan va unga signal chalgan, lekin erkak bunga e’tibor bermagan. Soatiga 20 kilometrdan ko‘p bo‘lmagan tezlikda harakatlanayotgan poyezd favqulodda to‘xtashiga qaramay, erkakni urib ketgan.
“Konkretno.ru”ning ma’lum qilishicha, halok bo‘lgan shaxs 42 yoshli O‘zbekiston fuqarosi bo‘lgan. Uni 31 yoshli ukasi tanigan. Uning so‘zlariga ko‘ra, akasi do‘kondan o‘zi ishlayotgan Novogorelov qishlog‘idagi qurilishga qaytayotgan bo‘lgan.
Mavzuga doir:
Izoh (0)