Испаниянинг Каталония провинциясидаги кучли ёмғир келтириб чиқарган тошқинлар оқибатида бир киши ҳалок бўлди, икки киши бедарак йўқолди. Бу ҳақда «Korrespondent.net» хабар бермоқда.
Табиий офат туфайли 40 дан ортиқ йўл сув остида қолди. Шунингдек, бир неча темир йўл ва қарийб 25 минг уй электр энергиясидан узилди.
22 октябрь, сешанбага ўтар кечаси Аренис де Мунт қишлоғида бедарак йўқолган эркакнинг жасади тонгда Барселонадан 40 километр узоқликдаги пляждан топилган.
Ҳозирда бедарак йўқолган яна 2 киши қидирилмоқда. Улар Таррагонадан 30 километр масофада жойлашган Вилаверде қишлоғидаги сув олиб кетган уйда бўлган, деб тахмин қилинмоқда.
Изоҳ (0)