Ижтимоий тармоқларда 33 ёшли наманганлик фуқаро Шавкат Юсуповнинг мурожаати акс этган видео тарқалди. Ушбу видеода фуқаро Ўзбекистон Бош прокуратурасига Андижон вилояти прокуратураси қароридан норозилигини билдириш учун Тошкентга келганини, бироқ уни Миробод туман ички ишлар органлари фаолиятини мувофиқлаштириш бошқармаси ходимлари ҳибсга олганини маълум қилган.
Тошкент шаҳар ИИББ матбуот хизмати ушбу ҳолатга муносабат билдирди.
Пойтахт ИИББга Андижон вилояти прокуратураси органларидан Шавкат Й. тергов ҳаракатларини амалга ошириш учун мажбурий тартибда етказилиши кераклиги ҳақида қарор келиб тушган.
Шунинг учун 21 октябрь куни фуқаро пойтахтга келганида Миробод тумани ИИО ФМБ ходимлари Андижон прокуратураси терговчиси қарорини бажариш мақсадида Шавкат Й.ни ИИО ФМБга олиб келиб, Андижон вилояти ИИБ ходимларига топширди.
Изоҳ (0)