Давлат божхона қўмитаси «Жисмоний шахслар томонидан нотижорат мақсадларда товарларни олиб ўтиш тартибини такомиллаштириш тўғрисида»га Президент қарори лойиҳасини жамоатчилик муҳокамасига қўйди.
Унга кўра, 2020 йилнинг 1 январидан Ўзбекистон давлат чегара пунктлари орқали жисмоний шахслар томонидан олиб кирилаётган ҳамда фуқароларнинг номларига халқаро почта жўнатмалари орқали келаётган товарларга божхона тўлови ўрнига ягона божхона тўловини жорий қилиш таклиф қилинган.
Шу билан бирга, божхона тўловлари олинмайдиган жисмоний шахс томонидан республикага товарларни олиб киришнинг чегаравий меъёрларидан ошиб кетганда, товарларнинг барча тоифалари учун товарларнинг божхона қийматидан келиб чиққан ҳолда Ўзбекистон Республикасининг ташқи иқтисодий фаолияти товар номенклатураси кодидан ва келиб чиққан давлатдан қатъи назар ягона божхона тўлови олинади. Ўзбекистон Президентининг «Жисмоний шахслар томонидан товарларни божхона чегараси орқали олиб ўтишини янада тартибга солиш чора-тадбирлари тўғрисида» 2018 йил 6 февралдаги ПҚ-3512-сон қарорининг 1-иловасида кўрсатилган товарлар бундан мустасно. Шундай қилиб:
- Озиқ-овқат маҳсулотлари учун — 30 фоиз миқдорида, лекин килограммига 2 доллардан кам бўлмаслиги лозим;
- Ноозиқ-овқат маҳсулотларига эса 50 фоиз миқдорида, лекин килограммига 4 доллардан кам бўлмаслиги лозим.
Изоҳ (0)