Менинг ишимдаги энг қизиқ ҳолат – ходимларнинг қандай қилиб натижага эришишларини кўришдир, ахир менинг вазифам – жамоамизнинг муваффақиятини қўлга киритишга кўмаклашиш ва тезда мақсадга эришиш ҳисобланади. Биз ҳамиша иқтидорли ва мақсадга интилган ўз ишининг усталарини кутиб қоламиз ҳамда ҳамкасбларимиз ва бизнинг Akfa катта жамоамизнинг янги аъзолари билан ўз тажрибамиз билан ўртоқлашишдан мамнунмиз.
Бу йил Akfa Group ўзининг 17 йиллик таваллуд кунини нишонлади. Бу компания ходимлари учун катта аҳамиятга эга воқеа. Бу йиллар ичида компания вақтнинг ўзига хос мураккаб синовидан ўта олди – биз сезиларли равишда ўсдик, ҳаракатларимиз янада оқилоналик касб этди ва албатта, биз янги муваффақият чўққиларини забт этишга тайёрмиз. Бу йиллар бизга бебаҳо тажриба, мустаҳкам жипслашган жамоа, муносиб обрў-эътибор, янги қизиқарли лойиҳалар ва ўз ғояларимиз ҳамда ҳамкорларимизнинг ўйлаб қўйилган ишларини муваффақиятли тарзда рўёбга чиқариш имконини туҳфа этди.
Ҳар куни биз ўз жамоамизнинг самарали корпоратив бошқарувини яратиш, тадбиқ этиш ва қўллаб-қувватлашга ҳаракат қиламиз. Биз ҳар бир мутахассиснинг қадрига етамиз ва қулай меҳнат шароитлари ва қўллаб-қувватловни тақдим этамиз.
Биз учун ҳар қандай вазифаларни ҳал қилишга ижобий ёнашув муҳим аҳамият касб этади. 2019 йилда компания бош офисида тренинг марказини очди, заводлар ва холдингнинг бошқа ҳудудларида ўқув синфларини ташкил этди, улар туфайли кадрлар тайёрлаш тизими, уларни ўқитиш, назария ва амалиётнинг самарали уйғунлашуви жорий этилди. Реал шароитларда жамоанинг самарали ишлаши учун таклиф этилган спикерлар ва коучлар иштироки билан малакани ошириш ва жамоани ташкил этиш бўйича ихтисослик тренинглари дастурларининг режаси тузилди. Иш берувчи сифатидаги бизнинг асосий мақсадимиз – иқтидорли ва истиқболли номзодларни топиш, Akfa Group катта оиласининг ажралмас қисмига айланиб, муваффақиятли ва узоқ муддатли карьерасини қуриш учун уларга барча имкониятларни тақдим этишдир.
Жамоанинг аксарият аъзолари бу ерда узоқ йиллар меҳнат қилиб келишади ва том маънода ўз ҳаётларини Akfa Group билан боғлашади. Ўз навбатида, компания ҳар бир ходим учун компенсациявий ва ижтимоий пакетларнинг кенг қаторини тақдим этади. Раҳбарлар кадрлар таркибини доимий равишда тўлдириш учун биз хизмат жойини ўзгартиришни прогнозлаштириш ва карьерани режалаштириш дастурини тадбиқ этдик. Шунингдек биз кадрлар захираси билан кенг кўламдаги ишларни олиб бормоқдамиз.
Биз жамоа фикрини қадрлаймиз, раҳбарлар эса ҳамиша янги ғояларни қўллаб-қувватлашади ва ҳар бир ходимнинг ривожланиши ҳамда ўзини намоён этиши учун имконият беришади. Доимий жалб этилганлик, иштиёқ ва профессионализм – бизнинг корпоратив маданиятимизнинг узвий қисми.
Ташаббускор масъулиятни шакллантириш ва ҳар бир ходимни ривожлантириш учун биз истиқболли ғояларни аниқлаган, қўллаб-қувватлаган ҳамда ишлаб чиққан ҳолда махсус «ғоя генераторлари»ни яратдик. Энг қизиқарли ва талаб катта бўлган ғояларнинг муаллифлари учун мукофотлаш дастурини ишлаб чиқдик.
Akfa Group нафақат иш тажрибаси бўлган номзодларни, балки, ҳаттоки, ҳали меҳнат фаолиятини бошламаганларни ҳам қадрлаши ва жалб этишини таъкидлаш муҳим. Биз ходимларни жалб қилишга ижобий ёндашар эканмиз, улар билан ўз билим ва кўникмаларимиз билан бўлишиш ҳамда устоз-мураббийлик қилишга тайёрмиз.
Компания 17 йиллик иш тажрибаси давомида бизда янги ходимларнинг ортида улкан тажриба бўлиши шарт эмас, деган тушунча шаклланди. Биз ўз ишининг ҳақиқий усталарини қандай қилиб етиштириш кўникмаларини ўзлаштириб олдик. Компанияга келаётган одамларда энг асосийси, ўрганишга хоҳиш-истак, амалиётда янги билим ва тажрибани қўллаш ва профессионал жиҳатдан ўсишга иштиёқ бўлса кифоя. Биринчи мулоқотда биз эътибор қаратадиган энг муҳим жиҳат, - бу шунчаки гапириш эмас, балки амалга ошириш истагидир. Айни пайтда бизда анчагина ёш жамоа шаклланган. Компания ходимларининг ўртача ёши – 31 ёш, бунинг устига умумий штатдагиларнинг 50 фоиздан ортиғи – бу 35 ёшгача бўлган одамлардир. Жамоада ходимларнинг ёшидан қатъий назар ўзаро ҳурмат ва қўллаб-қувватлашнинг қулай муҳити яратилгани – ҳамкасблар ўртасидаги мулоқот содиқлик ва адолат мезонларига асосан қурилганини таъкидлаб ўтмоқчимиз.
2019 йилда компания танлов саралашидан муносиб ўтган ва энг юқори балларни тўплай олган Тошкентдаги Турин политехника университети ва Вестминстер университетининг 8 нафар талабаларининг таълим олишлари учун контракт суммаларини тўлаб берди, махсус дастур бўйича ушбу талабалар учун компаниянинг ишлаб чиқариш бўлинмалари бўйича турлар ташкил этилди ва ўқув каникуллари вақтида уларнинг бу ерда малака оширишлари режалаштириб қўйилди.
Компания ходимларида жипс жамоа бўлиш ва бирлаштириш имконини берувчи жуда ҳам кўп умумий қизиқишлар мавжуд. Бундай жамоани яратиш учун Akfa компанияси ташкилотда турли хил жараёнларни оптималлаштириш бўйича тинмай иш олиб бормоқда: компания тузилмаси ва ягона сиёсатини такомиллаштирмоқда, доимий равишда ходимларни бошқариш бўйича ишни тўғрилаш имконини берувчи янги маълумотларни ўрганмоқда, меҳнат мотивациясининг самарали тизимини яратмоқда ва тадбиқ этмоқда ва энг муҳими, янгиликларни киритишга мойил ижодий ва очиқлик муҳитини яратмоқда ва қўллаб-қувватламоқда.
Бу бизнинг энг яхши иш берувчилик рецептимиз ҳисобланади.
Реклама ҳуқуқи асосида.
Изоҳ (0)