Mening ishimdagi eng qiziq holat – xodimlarning qanday qilib natijaga erishishlarini ko‘rishdir, axir mening vazifam – jamoamizning muvaffaqiyatini qo‘lga kiritishga ko‘maklashish va tezda maqsadga erishish hisoblanadi. Biz hamisha iqtidorli va maqsadga intilgan o‘z ishining ustalarini kutib qolamiz hamda hamkasblarimiz va bizning Akfa katta jamoamizning yangi a’zolari bilan o‘z tajribamiz bilan o‘rtoqlashishdan mamnunmiz.
Bu yil Akfa Group o‘zining 17 yillik tavallud kunini nishonladi. Bu kompaniya xodimlari uchun katta ahamiyatga ega voqea. Bu yillar ichida kompaniya vaqtning o‘ziga xos murakkab sinovidan o‘ta oldi – biz sezilarli ravishda o‘sdik, harakatlarimiz yanada oqilonalik kasb etdi va albatta, biz yangi muvaffaqiyat cho‘qqilarini zabt etishga tayyormiz. Bu yillar bizga bebaho tajriba, mustahkam jipslashgan jamoa, munosib obro‘-e’tibor, yangi qiziqarli loyihalar va o‘z g‘oyalarimiz hamda hamkorlarimizning o‘ylab qo‘yilgan ishlarini muvaffaqiyatli tarzda ro‘yobga chiqarish imkonini tuhfa etdi.
Har kuni biz o‘z jamoamizning samarali korporativ boshqaruvini yaratish, tadbiq etish va qo‘llab-quvvatlashga harakat qilamiz. Biz har bir mutaxassisning qadriga yetamiz va qulay mehnat sharoitlari va qo‘llab-quvvatlovni taqdim etamiz.
Biz uchun har qanday vazifalarni hal qilishga ijobiy yonashuv muhim ahamiyat kasb etadi. 2019-yilda kompaniya bosh ofisida trening markazini ochdi, zavodlar va xoldingning boshqa hududlarida o‘quv sinflarini tashkil etdi, ular tufayli kadrlar tayyorlash tizimi, ularni o‘qitish, nazariya va amaliyotning samarali uyg‘unlashuvi joriy etildi. Real sharoitlarda jamoaning samarali ishlashi uchun taklif etilgan spikerlar va kouchlar ishtiroki bilan malakani oshirish va jamoani tashkil etish bo‘yicha ixtisoslik treninglari dasturlarining rejasi tuzildi. Ish beruvchi sifatidagi bizning asosiy maqsadimiz – iqtidorli va istiqbolli nomzodlarni topish, Akfa Group katta oilasining ajralmas qismiga aylanib, muvaffaqiyatli va uzoq muddatli karyerasini qurish uchun ularga barcha imkoniyatlarni taqdim etishdir.
Jamoaning aksariyat a’zolari bu yerda uzoq yillar mehnat qilib kelishadi va tom ma’noda o‘z hayotlarini Akfa Group bilan bog‘lashadi. O‘z navbatida, kompaniya har bir xodim uchun kompensatsiyaviy va ijtimoiy paketlarning keng qatorini taqdim etadi. Rahbarlar kadrlar tarkibini doimiy ravishda to‘ldirish uchun biz xizmat joyini o‘zgartirishni prognozlashtirish va karyerani rejalashtirish dasturini tadbiq etdik. Shuningdek biz kadrlar zaxirasi bilan keng ko‘lamdagi ishlarni olib bormoqdamiz.
Biz jamoa fikrini qadrlaymiz, rahbarlar esa hamisha yangi g‘oyalarni qo‘llab-quvvatlashadi va har bir xodimning rivojlanishi hamda o‘zini namoyon etishi uchun imkoniyat berishadi. Doimiy jalb etilganlik, ishtiyoq va professionalizm – bizning korporativ madaniyatimizning uzviy qismi.
Tashabbuskor mas’uliyatni shakllantirish va har bir xodimni rivojlantirish uchun biz istiqbolli g‘oyalarni aniqlagan, qo‘llab-quvvatlagan hamda ishlab chiqqan holda maxsus “g‘oya generatorlari”ni yaratdik. Eng qiziqarli va talab katta bo‘lgan g‘oyalarning mualliflari uchun mukofotlash dasturini ishlab chiqdik.
Akfa Group nafaqat ish tajribasi bo‘lgan nomzodlarni, balki, hattoki, hali mehnat faoliyatini boshlamaganlarni ham qadrlashi va jalb etishini ta’kidlash muhim. Biz xodimlarni jalb qilishga ijobiy yondashar ekanmiz, ular bilan o‘z bilim va ko‘nikmalarimiz bilan bo‘lishish hamda ustoz-murabbiylik qilishga tayyormiz.
Kompaniya 17 yillik ish tajribasi davomida bizda yangi xodimlarning ortida ulkan tajriba bo‘lishi shart emas, degan tushuncha shakllandi. Biz o‘z ishining haqiqiy ustalarini qanday qilib yetishtirish ko‘nikmalarini o‘zlashtirib oldik. Kompaniyaga kelayotgan odamlarda eng asosiysi, o‘rganishga xohish-istak, amaliyotda yangi bilim va tajribani qo‘llash va professional jihatdan o‘sishga ishtiyoq bo‘lsa kifoya. Birinchi muloqotda biz e’tibor qaratadigan eng muhim jihat, - bu shunchaki gapirish emas, balki amalga oshirish istagidir. Ayni paytda bizda anchagina yosh jamoa shakllangan. Kompaniya xodimlarining o‘rtacha yoshi – 31 yosh, buning ustiga umumiy shtatdagilarning 50 foizdan ortig‘i – bu 35 yoshgacha bo‘lgan odamlardir. Jamoada xodimlarning yoshidan qat’iy nazar o‘zaro hurmat va qo‘llab-quvvatlashning qulay muhiti yaratilgani – hamkasblar o‘rtasidagi muloqot sodiqlik va adolat mezonlariga asosan qurilganini ta’kidlab o‘tmoqchimiz.
2019-yilda kompaniya tanlov saralashidan munosib o‘tgan va eng yuqori ballarni to‘play olgan Toshkentdagi Turin politexnika universiteti va Vestminster universitetining 8 nafar talabalarining ta’lim olishlari uchun kontrakt summalarini to‘lab berdi, maxsus dastur bo‘yicha ushbu talabalar uchun kompaniyaning ishlab chiqarish bo‘linmalari bo‘yicha turlar tashkil etildi va o‘quv kanikullari vaqtida ularning bu yerda malaka oshirishlari rejalashtirib qo‘yildi.
Kompaniya xodimlarida jips jamoa bo‘lish va birlashtirish imkonini beruvchi juda ham ko‘p umumiy qiziqishlar mavjud. Bunday jamoani yaratish uchun Akfa kompaniyasi tashkilotda turli xil jarayonlarni optimallashtirish bo‘yicha tinmay ish olib bormoqda: kompaniya tuzilmasi va yagona siyosatini takomillashtirmoqda, doimiy ravishda xodimlarni boshqarish bo‘yicha ishni to‘g‘rilash imkonini beruvchi yangi ma’lumotlarni o‘rganmoqda, mehnat motivatsiyasining samarali tizimini yaratmoqda va tadbiq etmoqda va eng muhimi, yangiliklarni kiritishga moyil ijodiy va ochiqlik muhitini yaratmoqda va qo‘llab-quvvatlamoqda.
Bu bizning eng yaxshi ish beruvchilik retseptimiz hisoblanadi.
Reklama huquqi asosida.
Izoh (0)