Freedom Finance МЧЖ хорижий корхонаси раҳбарияти, Ўзбекистондаги Freedom Finance МЧЖ ХКнинг ягона таъсисчиси Freedom Holding Corp. компанияси Nasdaq Capital Market биржасида листинг рўйхатидан ўтганини ва Нью-Йоркда FRHC тикери остида Freedom Holding Corp. оддий акциялари билан савдолар бошланганини маълум қилди.
Шундай қилиб, энди америкалик инвесторлар Ўзбекистонда ҳам актив фаолият кўрсатадиган компаниянинг ҳамкорларига айланиши мумкин. Эслатиб ўтамиз, Freedom Finance компанияси «Тошкент» республика фонд биржаси (UZSE)нинг аъзоси ҳисобланади. Корхона «Қўқон механика заводи» АЖ акцияларининг SPO (иккиламчи оммавий таклиф)да реклама кампанияси ташкилотчиси бўлган ва «Кварц» АЖ акцияларининг SPO андеррайтери этиб танланди. Freedom Finance МЧЖ ХК филиаллари Ўзбекистоннинг йирик шаҳарларида тақдим этилган. «Акцияларимизнинг етакчи жаҳон биржа майдонларидан бири бўлган NASDAQ биржасида савдоларга қўйилиши компаниямиз юксак профессионал стандартларга амал қилишидан ва молиявий ташкилотлар ишончлилигининг жаҳон мезонларига жавоб беришидан яққол далолат беради», — дейди Freedom Finance МЧЖ ХК ижрочи директори Евгений Можейко.
Бундан олдин, 2018 йил июлидан бошлаб, холдингнинг оддий акциялари OTC (Over-the-Counter) Markets group бошқаруви остидаги OTCQX Best market’да рўйхатдан ўтказилганди. 2018 йил якунлари бўйича компания Тop-50 ОТCQХ® 2019, яъни OTCQX Best market’да савдо амалиётларини амалга оширувчи ўтган йилги энг яхши компаниялар рейтингида 5-ўринни эгаллади.
Freedom Holding Corporation ҳақида
Freedom Holding Corp. – бу ўзининг Шарқий Европа ва Ўрта Осиёдаги Freedom Finance шўба корхоналари орқали молиявий фаолият, турли брокерлик амалиётлари, инвестиция масалалари бўйича консултациялар, қимматли қоғозлар савдоси, ишончли бошқарув ва андеррайтинг хизматларини амалга оширадиган холдинг. Компания Қозоғистон фонд биржаси (KASE), Astana International Exchange (AIX), Москва биржаси (MOEX), Санкт-Петербург биржаси (СПБ), «Тошкент» республика фонд биржаси (UZSE) ва Украина биржасининг профессионал иштирокчиси ҳисобланади. Компания бош офиси Oлмаoтада (Қозоғистон), қўшимча офислари Россия ва Қўшма Штатларда жойлашган. Компания Қозоғистон, Россия, Қирғизистон, Украина, Ўзбекистон, Германия ва Кипрдаги 70 та филиали орқали 100 000 дан ортиқ мижозга хизмат кўрсатади ва ўз мижозларига савдо ва ҳисоб фаолияти учун TraderNet мобил платформаси билан ишлаш имкониятини тақдим этади.
Ўзбекистонда Freedom Holding Corp. компанияси Freedom Finance МЧЖ ХК шўба корхонасига эга. Филиаллар тармоғи Тошкент, Фарғона, Андижон, Самарқанд, Бухоро, Навоий, Қарши ва Нукус шаҳарларини қамраб олган. Компания стратеглари томонидан ишлаб чиқилган дастурлар сармоядорларни кейинчалик йирик миллий корхоналарнинг ҳамегаларига айланишлари учун ўз молиясини тўғри бошқаришни ўргатади. Компания барча хоҳловчилар қатнашиши мумкин бўлган семинар дастурларини амалга оширади.
Маълумотнома:
NASDAQ (National Association of Securities Dealers Automated Quotation) – 1971 йилдан буён фаолият кўрсатиб келаётган америка биржаси. У юқори технологик компанияларнинг акцияларига ихтисослашган бўлиб, АҚШ фонд биржалари Топ-3 талигига киради. Айни пайтда NASDAQ биржасида 3 300 дан ортиқ компания листингдан ўтган. Биржа энг катта савдолар ҳажмига эга бўлиб, унда кунига тахминан 1,8 миллиард битим амалга оширилади.
Изоҳ: Қимматли қоғозлар ва бошқа молиявий воситаларга эгалик қилиш ҳар доим таваккаллар билан боғлиқ: қимматли қоғозлар ва бошқа молиявий воситаларнинг қиймати ўсиши ҳам, тушиб кетиши ҳам мумкин. Ўтмишдаги инвестиция қилиш натижалари келгусида даромад олиш кафолати ҳисобланмайди. Компания келгусида қўйилмаларнинг даромадли бўлишини кафолатламайди ва буни ваъда қилмайди, эҳтимолий инвестициялар ишончли бўлишини ва эҳтимолий даромадлар миқдорининг барқарорлигини кафолатламайди. Инвестиция объекти сифатида қимматли қоғозларни танлаш ва бу танловнинг тегишли оқибатлари инвесторнинг таваккалчилиги ҳисобланади.
Реклама ҳуқуқи асосида.
Изоҳ (0)