Ўзбекистондаги парламент сайловларида республика бўйлаб қанча жиҳозлардан фойдаланилиши маълум бўлди

Олий Мажлиси Қонунчилик палатаси сайловларини ёритиш бўйича Халқаро матбуот маркази 2019 йил 22 декабрда бўладиган сайловларни ташкил этишда республика бўйлаб қанча миқдорда жиҳозлардан фойдаланишини маълум қилди.

Қайд этилишича, 2019 йилги сайловларда 63 миллион атрофида сайлов бюллетенлари тарқатилади, 10 500 та сайлов қутиси, 10 500 та кўчма сайлов қутиси ва худди шунча сайлов кабинасидан фойдаланилади.

Шунингдек, сайловда 800 000 та чақирув плакатлари, 34 000 та сайлов ҳақидаги ахборот стенди, 16 500 та номзодлар ҳақидаги ахборот стендидан фойдланилади.

Бундан аввал Қонунчилик палатаси депутатлари сайлови бюллетени қандай кўринишда бўлиши ҳақида хабар берилган эди.

Эслатиб ўтамиз, 2019 йил 22 декабрни Олий Мажлис Қонунчилик палатаси депутатлари ва маҳаллий кенгашлар депутатлари сайлови куни деб белгиланди. Жорий сайловларда 20 миллиондан ортиқ сайловчи — шулардан 2 миллиондан зиёд ёшлар илк бор овоз беради. Ушбу сайловларга давлат бюджетидан 230 миллиард 549 миллион сўм маблағ ажратилган.