АҚШ давлат котиби Майк Помпео Американинг зарурат туғилганда Туркияга қарши ҳарбий ҳаракатлар амалга оширишга тайёрлигини билдирди. Аммо у Анқаранинг қайси ҳаракатлари АҚШ президенти Дональд Трампнинг куч ишлатиш сценарийсини қўллашига сабаб бўлиши борасида изоҳ бермаган, дейилади «Коммерсантъ» хабарида.
«Биз урушдан тинчликни афзал кўрамиз. Бироқ президент Трамп ҳарбий ҳаракатларни амалга оширишга зарурат туғилганда уларни амалга оширишга тайёрлигини билдирган», — дея таъкидлаган Помпео.
Мамлакат давлат котиби АҚШнинг ҳарбий ҳаракатларни амалга оширишдан олдин дипломатия йўлидан боришини ҳам алоҳида қайд этди.
Аввал Дональд Трамп Анқара Сурия шимоли-шарқида ножўя ҳаракатларни амалга оширса Туркиянинг иқтисодиётини бузиб ташлашини билдирганди. Туркия «Тинчлик булоғи» ҳарбий операцияси бошлаганидан сўнг АҚШ мамлакат вазирликлари ва юқори лавозимдаги бир нечта амалдорларига нисбатан санкциялар қўллаганди.
Мавзуга доир:
Мавзуга доир: Пенс ва Эрдўғон келишувидан кимлар манфаатдор?
Изоҳ (0)