Эрон президенти Ҳасан Руҳоний Суриядаги инқирозни бартараф қилиш учун Остона форматидаги учрашувлар ўтказилиши зарур, ушбу жараёнга путур етишининг олдини олиш лозимлигини таъкидлади. Бу ҳақда «РИА Новости» хабар берди.
Фото: Reuters
Сурия шимолида ёқимсиз ишлар содир бўлмоқда. Ҳодисалар нафақат минтақа, балки Сурия ҳукумати учун ҳам, у ердаги курдлар учун ҳам катта зиён-заҳмат етказмоқда.
Остона форматидаги Суриядаги вазиятни тинчлик билан ҳал этишга қаратилган музокараларни давом эттириш жуда муҳим. Ушбу учрашувлар Суриядаги вазиятни ўнглаш учун зарур қадам бўлади.
Ҳасан Руҳоний, Эрон ислом республикаси президенти
Мавзуга доир:
Қозоғистон ТИВ: Суриядаги вазият бўйича Остона форматидаги навбатдаги учрашув ноябрга қолдирилди
Қозоғистон Сурия бўйича учрашувларни октябрда қабул қилишга тайёр
Эрон президенти Туркиянинг Суриядаги ҳарбий ҳаракатларига муносабат билдириб, Теҳроннинг уруш бораётган ҳудуддаги вазиятдан хавотирда эканлигини маълум қилди.
Туркия президенти Ражаб Тоййиб Эрдўғон 9 октябрда Сурия шимоли-шарқида Курдистон ишчи партияси ва курд жангариларига қарши «Тинчлик булоғи» операциясининг бошланганини эълон қилган. Шундан сўнг турк авиацияси ва артиллерияси Сурия ҳудудидаги курдлар жойлашган ерларга зарбалар йўллади.
Кейинроқ Туркиянинг бошқа ҳарбийлари ҳам Сурия ҳудудига бостириб кирди. Курдлар аввал Мисрдан, кейинчалик расмий Дамашқдан ёрдам сўради. Башар Асад қўшинлари Айн-Иса шаҳрига кириб борган ва Ракка вилоятидаги бир нечта қишлоқда назорат ўрнатган. Шунингдек, улар Фрот дарёсидаги ГЭС яқинида жойлашган аэродромни ҳам эгаллаган.
