Қозоғистоннинг икки фуқароси Бразилиядан кокаин олиб келиб контрабанда билан шуғуллангани учун 15 йилу 5 ойга озодликдан маҳрум қилинди. Бу ҳақда Қозоғистон миллий хавфсизлик қўмитасининг ахборот хизмати хабар берди, деб ёзмоқда «РИА Новости».
Хабарга кўра, халқаро канал Бразилиядан олинган кокаинни БАА орқали Қозоғистонга, сўнгра Туркияга юборилаётган вақтда 2019 йил март ойида фош этилган. Олмаота аэропортида Дубай авиарейси йўловчиси бўлган қозоғистонлик М.Сотиболдиев қўлган олинган.
Текширув вақтида фуқаронинг ошқозон ичак трактида 42 та капсуладаги оғирлиги 460 грамм бўлган кокаин борлиги аниқланган.
Кейинроқ ҳуқуқ-тартибот органлари ходимлари кокаин партиясини Бразилиядан Қозоғистонга олиб келиб сўнгра Туркияга етказмоқчи бўлган гумонланувчининг қариндоши Курманбоевани ҳам ҳибсга олган.
«Олмоата шаҳридаги жиноят ишлари бўйича туманлараро махсус судининг қарори билан Л.Курманбоева ҳамда М.Сотиболдиев айбдор деб топилиб, уларнинг ҳар бири 15 йилу 5 ойга озодликдан маҳрум қилинди. Маҳкумлар жазони кучайтирилган тартибли колинияларда ўтайди», — дейилган хабарда.
Изоҳ (0)