Eron prezidenti Hasan Ruhoniy Suriyadagi inqirozni bartaraf qilish uchun Ostona formatidagi uchrashuvlar o‘tkazilishi zarur, ushbu jarayonga putur yetishining oldini olish lozimligini ta’kidladi. Bu haqda “RIA Novosti” xabar berdi.
Suriya shimolida yoqimsiz ishlar sodir bo‘lmoqda. Hodisalar nafaqat mintaqa, balki Suriya hukumati uchun ham, u yerdagi kurdlar uchun ham katta ziyon-zahmat yetkazmoqda.Eron prezidenti Turkiyaning Suriyadagi harbiy harakatlariga munosabat bildirib, Tehronning urush borayotgan hududdagi vaziyatdan xavotirda ekanligini ma’lum qildi.Ostona formatidagi Suriyadagi vaziyatni tinchlik bilan hal etishga qaratilgan muzokaralarni davom ettirish juda muhim. Ushbu uchrashuvlar Suriyadagi vaziyatni o‘nglash uchun zarur qadam bo‘ladi.
Hasan Ruhoniy, Eron islom respublikasi prezidenti
Turkiya prezidenti Rajab Toyyib Erdo‘g‘on 9-oktabrda Suriya shimoli-sharqida Kurdiston ishchi partiyasi va kurd jangarilariga qarshi “Tinchlik bulog‘i” operatsiyasining boshlanganini e’lon qilgan. Shundan so‘ng turk aviatsiyasi va artilleriyasi Suriya hududidagi kurdlar joylashgan yerlarga zarbalar yo‘lladi.
Keyinroq Turkiyaning boshqa harbiylari ham Suriya hududiga bostirib kirdi. Kurdlar avval Misrdan, keyinchalik rasmiy Damashqdan yordam so‘radi. Bashar Asad qo‘shinlari Ayn-Isa shahriga kirib borgan va Rakka viloyatidagi bir nechta qishloqda nazorat o‘rnatgan. Shuningdek, ular Frot daryosidagi GES yaqinida joylashgan aerodromni ham egallagan.
Izoh (0)