Германия федератив республикаси канцлери Ангела Меркель Туркия президенти Ражаб Тоййиб Эрдўғон билан телефон орқали қилган мулоқот чоғида ундан Сурия шимоли-шарқидаги ҳарбий ҳаракатларни тўхтатишни сўради. Суҳбат турк томонининг сўрови асосида амалга оширилган. Бу ҳақда «РИА Новости» хабар берди.
«Суҳбатнинг асосий мавзуси Туркиянинг Сурия шимоли-шарқида ҳарбий операцияларнинг бошлаши сабаб минтақада юзага келган вазият бўлди. Канцлер Туркия раҳбаридан ушбу ҳаракатларни зудлик билан тўхтатишни сўради. Туркия ушбу ҳаракатлардан манфаатдор эканига қарамай, операция маҳаллий аҳолининг кўп қисми қочоқларга айланиши, ҳудуддаги вазиятнинг беқарорлашуви ва ИШИДнинг янада кучайишига олиб келади», — дея қайд этилган Германия вазирлар маҳкамасининг баёнотида.
Шунингдек, телефондаги сўзлашув давомида томонлар Суриянинг Идлиб вилоятидаги вазият ҳамда Туркиянинг Ўртаер денгизидаги газ конларини синов тариқасида бурғулаш мавзуларини ҳам муҳокама қилган.
Аввал Германия ТИВ Туркиянинг Сурия шимоли-шарқидаги ҳарбий ҳаракатлари сабаб мамлакатнинг Анқарага қурол-яроғ сотишни тўхтатишини эълон қилганди.
Туркия томони эса президент Ражаб Тоййиб Эрдўғон Ангела Меркель билан суҳбат чоғида канцлерга Туркияни ёки Анақара Сурия шимоли-шарқида уруш олиб бораётган Курдистон ишчи партиясидан бирини танлашни таклиф қилган.«Меркель билан телефон орқали суҳбатлашдим. Бунга қадар Германия ТИВ Туркияга қурол-яроғ сотилмаслигини эълон қилганди. Мен Германия канцлерига ‘Ташқи ишлар вазирлигининг баёнотини кўринг. Сиз билан НАТЎда иттифоқчимиз шекилли ёки сизларда НАТО ҳам террорчилик ташкилотига айланганми? Жуда ғалати муносабат. Сиз биз биланмисиз ёки террорчилар биланми?’ деб савол бердим» – дея қайд этган Эрдўғон НТВ телеканали эфирида.
Мавзуга доир: Эрдўғон Туркиянинг Сурияда ҳарбий ҳаракатларни амалга оширишга ҳақи борлигини таъкидлади
Кейинчалик турк ҳарбийлари Сурия чегарасидан ўтиб мамлакат ҳудудида ҳарбий ҳаракатларни амалга оширишни бошлаб юборган.
Сурия ҳукумати ва жаҳон ҳамжамияти Туркиянинг ушбу ҳаракатларини қоралаган.
Изоҳ (0)