Япония Мудофаа вазирлиги кучлари томонидан «Хагибис» тўфони вақтида қутқарилган кекса аёл вертолётдан тушиб кетди. 40 метр баландликдан тушиб кетган аёл шифохонада вафот этди, деб хабар беради «РИА Новости».
Аввалроқ, Фукусима префектурасида олиб борилган эвакуация ишлари вақтида 77 ёшли аёл вертолётдан тушиб кетгани маълум қилинганди. Жароҳат олган аёлнинг юраги ва нафас олиши тўхтаб қолган.
12 октябрь куни Япониянинг Хонсю оролига «Хагибис» тўфони ёпирилган эди. Тўфон марказидаги босим 945 гектопаскални, шамол тезлиги эса 45—65 метрни ташкил этган. Сўнгги маълумотларга кўра, 19 киши ҳалок бўлган ва 16 киши бедарак йўқолганлар сафида.
12 та префектурада, жумладан, Токиода ҳам юқори даражадаги тошқин хавфи эълон қилинган. Бу каби энг юқори хавф даражаси нафақат шаҳарлар атрофида, балки барча 23 та марказий туманларда эълон қилинган.
Изоҳ (0)