Франция Туркияга қурол-яроғ етказиб беришни тўхтатишга қарор қилди. Бу ҳақда Франция ташқи ишлар ҳамда мудофаа вазирликларининг қўшма билдиришномасида эълон қилинган, деб ёзмоқда «РБК».
«Франция Суриядаги ҳарбий ҳаракатларнинг тўхтатилишини кутмоқда. Мамлакат Туркия Суриядаги операцияда фойдаланиши мумкин бўлган ҳар қандай ҳарбий материалларнинг экспорт лойиҳаларини тўхтатади. Ушбу қарор тезкорлик билан кучга киради», — дейилади Франция ТИВ расмий сайтидаги баёнотда.
Аввал Германия ташқи ишлар вазири Ҳеико Маас давлатнинг Суриядаги ҳарбий ҳаракатлар сабаб Анқарага қурол-яроғ сотишни тўхтатганини хабар қилган.
Франциянинг вазирликларининг билдиришномасида Париж Анқаранинг «Тинчлик булоғи» операциясини қоралаши баён қилинган. Аввал Франция президенти Эммануэл Макрон АҚШ давлат раҳбари Дональд Трамп билан телефон суҳбатида Сурия шимоли-шарқидаги ҳарбий ҳаракатларни тўхтатиш лозимлигини таъкидлаганди.
Мавзуга доир:
Изоҳ (0)