АҚШ президенти Дональд Трамп Конгрессда ўзига нисбатан демократлар томонидан олға сурилган импичмент эълон қилинишини давлат тўнтариши деб атади. Бу ҳақда Трамп ўзининг Twitter’даги саҳифасига ёзиб қолдирган.
«Кундан кунга содир бўлаётган воқеалар импичмент эмас, балки давлат тўнатириши эканлигига ишончим ортиб бормоқда», — деб ёзади Трамп. Унинг таъкидлашича, тўнтариш уюштиришдан мақсад Америка халқидан ҳокимиятни, уларнинг овозини, озодлигини, қуролдан фойдаланиш ҳуқуқини, динини, армиясини, чегарадаги деворини ҳамда «Худо томонидан берилган АҚШ фуқаролигини» олиб қўйиш.
25 сентябрь куни АҚШ Конгресси вакиллар палатаси Трамп импичменти бўйича жараёнларни бошлаб юборди. Бунга унинг Украина президенти Владимир Зеленский билан телефон суҳбати сабаб бўлган. Демократлар партияси вакиллари АҚШ раҳбари собиқ вице-президент Жо Байденнинг ўғлига нисбатан жиноят ишини қўзғатиш мақсадида ўзининг украиналик ҳамкасбига босим ўтказганини исботлашга уринмоқда. Байденнинг ўзи 2020 йилда ўтказиладиган президентлик сайловларида Трампга рақиб бўлиши кутилмоқда.
Изоҳ (0)