Сурия бўйича учрашувларни Қозоғистонда ўтказиш ҳақидаги режалар ҳали ҳам ўз кучида, дея таъкидлаган Қозоғистон ташқи ишлар вазири Мухтор Тиловберди журналистлар билан суҳбатда. Бу ҳақда «Коммерсантъ» хабар берди.
«Учрашувларни октябрь ойида ўтказиш юзасидан режалар ҳали ҳам ўз кучида турибди. Биз ўз томонимиздаги тадбирларга тайёрмиз», — дейди вазир.
Тиловбердининг сўзларига кўра, Қозоғистон бу борада муайян сана белгилаши кутилмоқда.
Юқори даражадаги Остона форматидаги учрашув у ерда августда бўлиб ўтган. Учрашувларда кафил-давлатлар — Эрон, Россия ва Туркия, шунингдек, Сурия ҳукумати ва мухолифат вакиллари иштирок этганди. Кузатувчилар сифатида БМТ, Иордания, Ливан ҳамда Ироқ вакиллари ҳам таклиф этилган.
Изоҳ (0)