Ўзбекистонлик теннисчи Албина Хабибулина ва унинг қирғизистонлик шериги Ксения Палкина Франциянинг Клермон шаҳридаги турнир давомида полиция томонидан қўлга олинди. Бу ҳақда Le Monde хабар бермоқда.
Қизлар жорий йил март ойида Гоннездаги (Франция) турнирда келишилган ўйинда иштирок этганликда гумон қилинмоқда. Жумладан, Хабибулина канадалик Амината Саллга атайин ютқазганликда айланмоқда.
Маълум бўлишича, ушбу ўйинга Британиядаги букмекерлик контораларида Шарқий Европа давлатларидан бўлган ўйинчилар томонидан шубҳали ставкалар қилинган. Британиялик операторлар эса бу ҳақда француз полициясини хабардор этишга қарор қилган. Хабибулина ушбу ўйинда ютқазиб берганини тан олди. Палкинани ўйинчилар ва ва ўзбекистонлик спарринг-шериги ўртасида воситачилик қилганликда гумон этилмоқда.
Кейинчалик у ўзига нисбатан келишилган ўйинларда айбловлар илгари сурилмагани, Албинада ҳужжатлар билан боғлиқ муаммолар юзага келгани ва уни гувоҳ тариқасида сўроққа чақиришганини билдирди.
«Барча саволларга жавоб берганимдан сўнг мени қўйиб юборишди. Шанба куни Қирғизистонга қайтаман ва кўп ўтмай Франция, Венгрия ва Германиядаги турнирларга бораман», — деган Палкина.Мазкур вазиятга Ўзбекистон ТИВ ҳам муносабат билдирган. Консуллик-ҳуқуқий департаментига кўра, Албина Хабибулина 2017 йил август ойидан буён Ўзбекистон фуқароси ҳисобланмайди.
Изоҳ (0)